ट्राइकोडर्मा प्राकृतिक रुपमै माटोमा पाइने र प्रयोगशालामा सजिलै माटोबाट अलग गरी वंश विस्तार गर्न सकिने एक फाइदाजनक ढुसी हो । ट्राइकोडर्मा प्रजातिहरू प्राय सबै प्रकारका माटोमा पाइने भएतापनि विशेषतः वन वा निरन्तर कृषि गरीरहेको माटोबाट यसलाई अलग गरिन्छ । यसको प्रयोगले हानिकारक ब्याक्टेरिया ,ढुसी, निमाटोड तथा भाइरसको संक्रमण बाट रोक्न सकिन्छ । ट्राइकोडर्माले रोगका कणलाई निस्क्रिय पार्नमात्र नभइ विरुवाको वृद्धि विकासमा शुद्ध टेवा पु¥याउँछ । आफ्नो कोषको बाहिरी भागमा बिषालु पदार्थ बनाइ हानिकारक ढुसी तथा अन्य रोगका कणहरुमाथी आक्रमणगरी ती हानिकारक कणहरुलाई पूर्ण रुपमा निस्क्रिय पार्ने÷मार्ने काम यसले गर्ने भएकाले जैविक तथा दिगो कृषि अपनाउँने किसानहरु यसको प्रयोगमा उत्साहित हुदैँ गइरहेका छन् ।

ट्राइकोडर्माको फाइदाहरु

१)रोग नियन्त्रण ःयसको प्रयोगले विशेषत माटोबाट उत्पन्न हुने ढुसीजन्य रोगहरु (फूजारीएम विल्ट,फाइटोपथोरा,स्केलेरोटियाः कोत्रे रोग) निमूर्लीकरणका मद्दत पु¥याउँछ ।

२) विरुवाको वृद्धि विकासमा मद्दत पु¥याउँछ ः यसले माटोमा फसफरस तथा सुक्ष्म तत्वको घुलनशिलता बढाई दिन्छ भने जरालाई माटोको भित्री सतहसम्म फैलन मद्दत पु¥याइ विरुवालाई खडेरीबाट बचाउँछ ।

३) यसको प्रयोगले विरुवामा रोग प्रतिरोधात्मक क्षमतामा वृद्धि आउँछ ।

४)माटोमा जैव उपचार ः निरन्तर रुपमा रसायानीक मल तथा विषादि प्रयोग भएका माटोमा जैव उपचारकालागी यसको प्रयोग गर्न सकिन्छ । यसले रसायानीक कणमा हुने कार्बोनेट ,अर्गानोफसपेट तथा अर्गानोक्लोरीनलाई सजिलै निराकरण गर्दछ ।

५) ट्राइकोडर्मा बिउ उपचार गर्न पनि प्रयोग गर्न सकिन्छ ।